Ka Christian Higher Secondary School, Pahamsyiem, ka kynhun kaba la mihkhmat ia ka jylla ha ki kynthei jong ka kyrdan U-17 ha ka Subroto Cup International Football Tournament 2024, ka la pynthikna ialade ban rung sha ka Quarter Final, hadien ba ki la lah ban pynliem kput da 12-0 kol ne shi dorjon pyrshah ia ka Punjab.
Khyndiat haba phai ia ka Nongpoh Christian HSS, ka jingiakhun kaba nyngkong ka dei ba ki la iakhun pyrshah ia ka Indian Public Schools Conference da 10-1 bad ha ka jingiakhun kaba hynnin ka sngi pyrshah ia ka Maharashtra, ki la lah ban pynliem noh da 1-0.
Ka jingiakhun na bynta ka Quarter Final kan long la sngi Saitjain ka 10 tarik Nailar ha Ambedkar Stadium New Delhi, ha kaba ka Christian HSS kan sa iakhun pyrshah iaka Manipur ha ka por 5 baje janmiet.
