Ka Khasi Student Union (KSU) ka la dep bthah ia baroh ki shnat treikam bad ki Unit khamtam haki thain khappud ban long kiba peitngor iaka rung ka mih ki briew hala ki shnong.
Ia kane la pyntip da u President ka KSU u Samla Lambokstarwell Marngar bad ula ong baka seng kan iatreilang daka ba ai ka kti kamon, kti kadiang ban pynthikna ba kan nym don ka jingwan ruh tuh ki nong Bangladesh sha Meghalaya.
“Naka liang ki nongialam ka KSU West Jaintia Hills kila hiar shaki thain khappud khamtam sha Dawki ban iakren bad ki nongialam shnong halor kane ka mat” la ong u samla Samla Lambokstarwell.
U Samla Lambokstarwell ula ong ba naka liang ka KSU kan iai peitngor, kaei ka ban jia, kaei ka ban long bad ula bynrap daka ba ong “Naka liang ka NESO bad ka KSU kila pynher daka shithi sha u Myntri Rangbah duh ka Ri India bad sha u Myntri ka tnat kam pohing daka ba kdew shai baka Sorkar India kam dei ban ai jaka rieh iaki phetwir na Bangladesh shaki Jylla ka thain shathei Lammihngi (North East) baroh kawei”.
“Kan nym kut tang hangta, naka liang ka seng haki sngi ban wan kan peit bniah ha man ki shnong ban nym ailad iaki phetwir ba kin pynlong pat iaka Bri u Hynniewtrep kum ka jaka rieh tngen jong ki lada ki phet na Bangladesh” ula ong.
