Kumba 98 tylli ki shnong ha ka North Garo Hills district la pynkup burom hadien ba la pynbna ba ki dei ki shnong kiba la khuid ka jingpang TB, kaba dei ruh ka thong jong ka prokram jong u snem 2023 , ba la pynlong da ka District Tuberculosis Officer, William Nagar, kaba la pynlong mynta ka sngi ha Mendipathar Multi purpose cooperative Hall, Resubelpara, North Garo Hills.
Ia kine ki shnong ba la pynbna ba ki la khuid na ka jingpang TB, ka dei katkum ka jingwad bniah na ki 6 tylli ki kyndon jong ka jingwad bniah kaba dei hapoh ka Tuberculosis Elimination Programme (NTEP) ba la buh thong ban pynduhjaid ia ka jingpang TB naduh u snem 2025.
Kine ki 98 tylli ki shnong ki dei na ki 11 tylli ki PHC ba hap ha ka North Garo Hills District, ha kaba la pynkup burom lyngba ki jingsam ia ki synot bad ka statue rnong u Mahatma Gandhi ban kynmaw burom ia ka jingiohi jngai jong u ban wan rah ia kita ki shnong kiba koit ba khiah ha ka ri India.
La pyntip ruh ba ha kane ka prokram kyrpang ban ia khun pyrshah ia ka jingpang TB, kine ki dei ki shnong kiba la ia iakhun pyrshah bad ba la ia trei lang na ka bynta ban pynduhjaid ia ka jingpang TB ba la ar snem kynthih bad ki la ioh pdiang ruh ia ka statue rupa jong ka statue u Mahatma Gandhi bad ruh ka statue ksiar u Mahatma Gandhi kiba la lah ban lait na ka jingpang TB haduh 3 snem kynthih.
Haba kren ha kane ka sngi kum u kongsan, u Deputy Commissioner ka Ri Bhoi, u A.K Singh u la ai jingiaroh ia ka tnad ka koit ka khiah bad kito kiba la don bynta ha kaba ia khun pyrshah ia ka jingpang TB. U la kyntu ruh ba la donkam ban don ka jingiatrei lang naduh ki paidbah bad ki nongtrei jong ka tnad ka koit ka khiah na ka bynta ban poi sha ka thong ban pynduhjaid ia ka jingpang TB kumba la buh thong da ka sorkar.
