Ka Bethany Outreach Hospital Nongpoh mynta ka sngi ka la pynhap pyrda noh ïaka jingrakhe ïaka jingdap 10 snem jong ka Hospital ban ai ïaka jingshakri sha ki nongpang kiba wan ban shah shumar ha katei ka hospital naduh ba la dep ban seng ïaka ha u snem 2014 dakaba pynlong ïaka program kaba kyrpang ha phyllaw jong ka Hospital, Nongpoh
Kaba kham kyrpang ha katei ka sngi naka liang ka Bethany Outreach Hospital, Nongpoh ki la ïoh ban pllie paidbah syndon ïaka jaka sumar ïaka jingpang khyllai “Dialysis Unit” Ka ban ai ïaka jingmyntoi kaba khraw ïaki paidbah ha kaba Kim donkam shuh ban leit sha bar jong ka jylla ban wat ïaka jaka sumar.
Ha katei ka sngi pynkut ïaka jingrakhe ïaka jingdap 10 snem, ka Bethany Hospital Nongpoh ka la plie paidbah ruh ïa u Motdur jong u Dr. John L Sailo Ryntathiang bam kwai ha dwar u Blei uba dei ruh u trai jong ka Bethany Outreach Hospital, Nongpoh ha kajuh kapor la ïoh ruh ban pynlait paidbah noh ïaka kali kit nongpang jong ka Dorbar shnong Pahamsyiem nongpoh ba la pynlait lyngba ka Skim CMFDS.
Ïa kitei ki jingtei thymmai kiba kynthup naduh ka Dialysis Unit, U Motdur Sah kynmaw bad ïaka Thup sah jingkynmaw jong ka Bethany, la plie paidbah noh da ka myntri jong sorkar jylla ba dei peit ïaka koit ka khiah ka Kong Dr. Ampareen Lyngdoh kum ka kongsan haka jingïadonlang u Bah Mayralborn Syiem, MLA Nongpoh Konstituensi bad Chairman jong ka Health and Advisory Board jong ka sorkar Jylla kum u symbud kongsan, Achula D Sailo, Director, Bethany Hospital, Dr. C M Pohshna Dy. Medical Superintendent, Bethany Outreach Hospital, Nongpoh lem bad kiwei kiwei ki Doctor bad ki ophisar.
