Ki thei ïalehkai jong ka jylla Meghalaya bala mihkhmat da ka skul Christian Higher Secondary School, Pahamsyiem haka kyrdan U-17 mynta ka sngi kila shah pynjem khnap noh haki thei ïalehkai ka jylla Manipur haka Quarter Final ka Subroto Cup International Football Tournament kaba dang ïaid shaid shaid ha nongbah Delhi.
Ki thei ïalehkai jong ka jylla Manipur kila lah ban pynliem tang 1-0 kol ïaka Meghalaya hadien ba kawei naki thei lehkai ka jylla Manipur kala ioh ban khyrwit ïaka bol haka minit ba 23 jong ka kylla step bad hapdeng ka jingïakhun kaba jur ban pynphai ïa katei ka shi kol, ki thei ialehkai ka jylla Meghalaya kim shym la lah shuh ban pynphai kaba la biang pura syndon ïaki thei ialehkai ka Manipur ban rung sha ka Semi Final jong katei ka lympung.
Lyngba katei ka jingrem noh haka Quarter Final, ki thei ïalehkai ka Christian HSS kila hap ban wanphai iing noh na katei ka lympung.
