Nongpoh, Nailar 10: Ka jingiaseng kynthei jong ka Balang Presbyterian, Diwon mynta ka sngi ka la ioh ban pynlong ia ka ‘Food Festival’ kum shi bynta ban pynmih pisa na ka bynta ban shna ia ka ing seng kynthei kaba dang don bun ki jingduna kum kynthup naduh ka jingpynbiang bording ilektrik, ban shna ia ki jaka leit shabar bad kiwei kiwei de ki jingdonkam kiba bun.
Ha kane ka sngi, la wan ban iadon bynta da u MLA ka Nongpoh konstitwensi, u Bah Mayralborn Syiem kum u kongsan ha ka jingiadon ryngkat ki nongialam ka jingiaseng kynthei jong ka Balang Presbyterian, Diwon ba kynthup naduh ka Kong Biaris Mallai, Chairperson, ka Kong Hawas Syiem, Secretary, ka Kong Teinam Langrin, Treasurer lem bad kiwei kiwei de.
Lyngba kane ka sngi, la iohi ia ki longkmie jong ka balang kiba la mih shkhmat ban wanrah iala ki jingbam ba shngiam ki jongki, ba kynthup ruh ruh ia ki jingbam tynrai Bhoi kiba la shet kyrpang ha ki tyndong siej, kaba la pynlong hapoh ka Duia Hall Diwon.
Haba kren ha kane ka sngi, na ka liang u Bah Mayralborn Syiem u la pynpaw ia ka jingsngewkmen ba iohi ia ki longkmie kiba la iohi jngai bad shim ia kane ka sienjam kum shi bynta ban pynmih pisa na ka bynta ban pynbit pynbiang ia ka ing seng kynthei kaba donkam ia shibun ki jingdonkam.
U Bah Mayralborn Syiem u la kular ruh ban ai jingiarap kumba T. 5 lak ha kane ka sngi, kum shi bynta ban tynrong lang ia ka jingeh bad jingdonkam jong ki longkmie ka Balang, lyngba ka skhim MLA ka jong u
