Hadien ba mih ki khubor hamsaia ba kwah iasoh National People’s Party (NPP) 3 ngut ki MLA ka Congress, u Myntri Sorkar u ba dei ruh u Nongialam ka NPP u Rakkam A Sangma, u la kam baka Party ka kloi ban pdiang ia ki MLA ba thmu phet seng.
Lah ban kdew ba dang shen, la saphriang haki rynsan lad pathai khubor ba 3 ngut ki MLA ka Congress, ki thmu ban iasoh sha ka NPP.
“Lada ka dei ka khubor kaba thikna. Kum u riew shimet nga pynpaw ba ka NPP ka kloi ban pdiang ia ki MLA ka Congress. Ka NPP ka kloi ban pdiang ym tang iaki MLA hynrei wat ia ki nongialam bad nongkyrshan na kiwei ki Party” la ong u Rakkam.
U Rakkam ula ong ba kane ka jingpaw kyrteng ki 3 ngut ki MLA ban iasoh shaka NPP ka paw shai baka Sorkar Jylla ba ialam hi daka NPP kala trei bha naka bynta ka jingmyntoi ki paidbah ka Jylla baroh kawei.
