Ka Sorkar Jylla shen kan pynkynriah noh iaki 200 ngut ki nongdie madan na Khyndai Lad.Ia kane la pyntip da u Myntri ka tnat Social Welfare u Bah Paul Lyngdoh bad ula ong ba ka Sorkar Jylla kan nym shah shuh ban shong die madan ha shilynter ka surok napdeng ka Khyndai lad shaduh ka Lad Umsohsun.
U Bah Paul u la iathuh, ba kumba 200 ngut ki nongdie madan yn pynkynriah noh sha kiwei ki jaka ba la ithuh da ka tnat Shillong Municipal Board (SMB) bad ka tnat pynroi Sor
U la ong ba ki ban ioh shongdie madan haki jaka bala ithuh ka Sorkar Jylla kidei ban dei ki nong shong shnong bad kidei ban don iingsah hapoh ka Jylla Meghalaya.
“Ka jingithuh bad pynrung kyrteng iaki nongdie madan daka Shillong Municipal Board (SMB) bad ka tnat pynroi Sor kala iaid mynta la jan shisnem bad ka ba sah mynta kadei satang ban pynkynriah iaki” la ong u Bah Paul.
U Bah Paul ula ong ba ki nongdie madan kidei lang ki dkhot ka Vending Committee bad dei namar kane kan nym don jingeh shuh iaka Sorkar Jylla ban pynkynriah iaki sha kiwei ki jaka ba kin bteng iala ki kam khaii.
Ula iathuh baka jingslem ban kynriah iaki nongdie madan na Khyndai Lad kadei hi namar ka jingslem ban ithuh lut iaki nongdie madan bad iaki kam khaii ba ki leh man ka sngi.
“Lait noh ka surokbah (GS Road) baroh kawei ka thain Khyndai Lad shaduh Lad Umsohsun kan dei ka jaka bala mana ban shongdie madan. Ia kane la leh ban pynsuk iaka leit ka wan ki paidbah” ula ong.
