Ka Hindu Society hynne ka sngi kala weng noh ia ka Mukotduma na ka iingkashari Meghalaya High Court halor ka jingpynbna ka Dorbar Shnong Mawsynram ban nym ai No objection Certificate (NoC) ban leh niam hapoh ka krem Mawjymbuiñ.
Dang shen naka liang ka Dorbar Shnong kala pynbna ba kan ym ai No Objection Certificate (NOC) ia ka Hindu Society ba kan pynlong ia ka Yatra ha Krem Mawjymbuin kaba pynlong iaka Hindu Society ba kan leit ujor da ka mukotduma ha ka iingkashari ka Meghalaya High Court.
Haba iadei bad kane ka Meghalaya High Court haka 9 tarik u Nailar kala tian bishar ia ka mukotduma bad kala bthah ia ka Dorbar Shnong ba kan pynbeit ia katei ka kam da kaba iakren da ka jingiasngewthuh bad baroh ki kynhun.
Haka 14 tarik Nailar ka Hindu Society kala weng noh ia katei ka jingujor mukotduma ha Meghalaya High Court.
Kane ka jingweng noh ka Hindu Society ia ka mukotduma ka pynlong iaka Dorbar Shnong Mawsynram ban jop ia ka mukotduma.
Kane ka jingjop ka Dorbar Shnong Mawsynram ka pynskhem ba ka Krem Mawjymbuin ba kadei tang ia ki nongjngohkai pyrthei ym ka jaka mane Blei.Top of Form
