Ka Samla Senebi Syngkli ka thei ia khun kti ba pawnam jong ka jylla Meghalaya kaba naka Shnong Umden, Ri Bhoi District haka 15 tarik Nailar, 2024 kan sa leit ban mih khmat ïaka ri India ban ia shim bynta haka rynsan iakhun kti kaba la tip kum ka 45th World Arm-wrestling Championship 2024 ka ban sa long ha Raddison Blu Leo Grands Hotel, Chisinau, Moldova ka ban pyniaid daka Moldovan National Sports Federation of Arm-wrestling.
Ka jingshah jied jong katei ka thei samla ban leit mih khmat sha katei ka lympung naka ri India ka dei hadein ba ka la lah ban ia lehkai bha da kaba khur 2 tylli ki takma ksiar, kawei ka takma rupa bad ka wei ka takma rnong haka kawei naki lympung ia khun kti kaba la tip ka National Arm-wrestling Championship 2024 kaba dang shu dep ban long ha Nagpur Maharashtra naduh ki tarik 6 haduh 10 jong u bnai Jylliew, 2024.
Ia katei ka jing ioh ban leit ia khun sha katei ka lympung kaba heh ka ban sa long shabar jong ka ri la pyntikna lyngba ka shithi kaba la phah daka People’s Arm-wrestling Federation India PAFI ha kaba la pyntikna ba ka Samla Senebi Syngkli kan mihkhmat naka ri ban ia khun haka kyrdan Youth bad Senior haka jingkhia kaba 55 kilograms.
