Katba Ki bor Pulit ka Ri Bhoi ki la dang bteng ban pynduhjaid ia ki kam khaïi drok beain, hynrei la katta ruh katba ki la dang teh pyrkhing la dang ioh kem ia ki briew kiba don kti ha kane ka kam khaïi drok beain.
Kine ki jingshisha ki la paw mynta ka sngi, ba ki Pulit ka Ri Bhoi ki la ioh ban kurup drok ha Nongpoh hadien ba ki ioh ka jingtip kaba bniah bad ba ki la pynap shrip ha Nongpoh ia kawei ka Kali Alto kaba don ia u number ML 10 C 0012 ba la suba ba ka kit drok.
Ka tyllong khubor ba la ioh lum, la ong ba hadien ba la bat ia kane ka Kali la kem ia u dribar ba la tip kyrteng kum Vicky Lyngdoh, 23 snem rta na ka shnong 20mer, katba u dang wan na Byrnihat ban kiew sha Nongpoh bad da ka jingtalasi ki pulit hadien ba la ioh bat ia katei ka kali ki la ioh ban kurup ia u drok heroin uba la don 2.47 gram ka jingkhia bad kynthup kiwei kiwei de ki tiar.
Hadien ba la ioh kurup ia u drok, ki pulit ki la register case pyrshah ia une u nongkhaïi drok katkum ka NDPS Act bad ka jingtohkit halor kane ka jingioh kurup drok ka dang iaid shakhmat na ka bynta ban ioh kem ia kiwei kiba don kti ha kum kane ka kam khaïi drok ha Ri Bhoi District.
