Da ki hajar ngut ki paidbah ka Ri Bhoi ha ka 15 tarik u Nailar 2024, ki la wan ban ia sakhi ha kaba rakhe ia ka sngi laitluid ka ri India ha Ri Bhoi, ba ka ri India ka la kynjoh sha ka 78 snem ba ka la ioh ka jinglaitluid na ka jingsynshar ki phareng.
Ia kane ka jingrkahe la pynlong ha Madan Pahamsyiem, Nongpoh, hakaba u Myntri ba dei peit ia ka tnad sport u Shakliar Wajri u la wan ban shim bynta kum u kongsan ban pynher ia ka lama bad ruh ba ai ia ka salute sha ki khynah skul bad ki kynhun pulit kiba la iaid march pass shi bynta ban pynphuh pynphieng ia kane ka sngi kyrpang ha kylleng ka ri India.
Nalor u mytnri ka tnad sport la wan shim bynta lang u MLA ka Nongpoh, u Bah Mayral Born Syiem, u Deputy Commissioner ka Ri Bhoi, u Abhilash Baranwal, u SP ka Ri Bhoi, u Jagpal Singh Dhanoa bad kiwei kiwei ki ophisar sorkar.
Kaba kham pynphuh pynphieing shuh ha kane ka sngi, ka dei ka jingshad tynrai, ki jingrwai ieit ri bad kiwei kiwei ki prokram kiba ia dei bad kane ka sngi ba la shim bynta da ki khynnah skul bapher bapher ka dong Ri Bhoi.
Haba kren ruh ha kane ka sngi kum u kongsan, u Shakliar Wajri u la pynpaw ia ka mynsiem jong ka jingkmen ban ia don bynta ha kaba rakhe ia kane ka sngi laitluid ka ri. U la pynkynmmaw ruh ba dei ka jinglen lada ki nongialam ba la leit noh ban ia khun pyrshah na ka jingsynshar ki phareng, ba ka ri India jongngi, ka la ioh ia ka jinglaitluid bad mynta ka ri India ka la dang kiew shaphrang ha baroh ki liang.
U la pynpaw ruh halor shibun ki kam ba la leh da ka sorkar jylla ban kyntiew ia ka longbriew ka man briew bad ban wan rah ia kita ki jingkylla ha ka jylla. U la bynrap ruh ba ka sorkar jylla ka la dang iaid shaphrang ban thaw ia shibun ki lad treikam na ka bynta ban kyntiew ia ka jylla ba kan dang kiew shaphrang ha baroh ki liang.
