U Myntri rangbah barim ka jylla bad uba la dei ruh u nongialam ba rangbah ka party Congress ha ki snem ba leit noh, u Salseng C Marak u la khlad noh mynta ka sngi ha Tural Civil Hospital, West Garo Hills District.
Kumba la ioh lum jingtip, la ong ba u myntri rangbah barim ka jylla u Salseng C. Marak u la khlad noh mynta ka sngi, ka dei hadien ba la ban ka jingpang ha ka jinglong tymmen bad la phah sumar ia lade ha Holy Cross Hospital hadien ba la pynkynriah noh sha Turo Civil Hospital, ba ka jingpang ka la ban haduh ba u la khlad noh hapdeng ka jingsumar ha katei ka Hospital.
Kum ban pynkynmaw ruh, u Salseng C. Marak u la shim ia ka kyrdan myntri rangbah ka jylla Meghalaya hapdeng ki snem 1993 haduh u snem 1998 bad u la dei teng ruh u president ka Meghalaya Pradesh Congress Committee (MPCC) bad kum u nongialam ba la paw bha na ri Lum Garo.
Halor kane ka jingkhlad noh u myntri rangbah barim ka jylla, u Mynti rangbah ka jylla u Conrad K. Sangma u la pynpaw ia ka jingsngewkyndit bad ka jingduhnong kaba khraw halor ka jingkhlad noh une u nongialam, uba la noh synniang shibun na ka bynta ka jingkiew jong ka jylla Meghalaya.
Na ka liang u Myntri rangbah ka jylla, u Conrad K. Sangma kumba u la pynpaw ha ka X, nalor ka jingpynpaw ba ka long ka jingduhnong kaba khraw ia ka jylla halor kane ka jingkhlad une u nongialam barim ka jylla bad u la phah ruh ka khubor sngewlem sha ka ing ka sem jong u bad ki kam ba bha ba la leh da une u nonialam kin iai sah ha ki jingmynmmaw bad ruh u la pynpaw ba ka mynsiem jong u kan ioh ban shongthait shijunom ha ka jingsuk kaba bym jukut.
