Ka Riti Academy Award Ceremony kaba la pynlong mynta ka sngi, ka 16 Nailar, 2024 ha Raj Bhavan, Shillong ban ai jingithuh ia san ngut ki riewshimet kiba lah tam bad paw ha ki kam bapher bapher ha ka jylla. Ia kane ka jingïalang la wan ban iadon ryngkat da u Lat ka jylla Meghalaya, u Chandrashekar H Vijayashankar kum u kongsan, u Bah Frederick Roy Kharkongor, IAS, Principal Secretary, Arts and Culture, kum u symbud kongsan, ka Kong Patricia Mukhim, Editor jong ka kotkhubor phareng The Shillong Times, lem bad kiwei kiwei de.
Haba kren ha kane ka jingïalang, u Lat Vijayashankar u la ai jingiaroh ïa ka jingtrei shitom jong ka Riti Academy bad u la kyntu ïa ki tnad sorkar kiba dei ban kyrshan ïa kum kine ki kam ban kyntiew ïa ki samla ka thain. U la ai jingiaroh ïa ka jingitynnad jong ka Meghalaya bad u la pynpaw ruh ïa ka jingdonkam ban ai jingkyrshan ha ka por kaba biang ban kyntiew iaki sienjam kiba iadei bad ka Arts & Culture.
U la kyntu ïa ki samla ban trei shitom bad ban minot ban kiew shaphrang ha kino kino ki kam, namar ym don eiei kaba lah ban pynduh lada don ka jinglenlade, ka jingtrei shitom bad ka jingminot.
U Lat u la sam ïa ki khusnam sha ki san ngut ki riewshimet ha kane ka sngi, kiba kynthup ïa u Bah Merlvin Jude Mukhim (Crystal Gayle Memorial Award 2024), Prof. Marco Babit Mitri (Sumar Sing Sawian Memorial Award 2024), Bah Shanborlang Kharbudon (Prithpal Singh Sehdave ‘Ladi’ 2024), Kong Ibankyntiew Mawrie (S Quotient Sumer Memorial Award 2024) bad ka Kong. Alicia Pyngrope (Rana Kharkongor Memorial Award 2024).
