Ka kynhun jong ki nongrep ka Hills farmer Union Umling Block haka jingïalam u Samla Savington Makri President Hills farmer Union Umling Block haka jingïasynran lang u Bah Alfonbirth Kharsyntiew General Secretary na Seng kmie hynne ka sngi ka 16 tarik nailar ka la leit ban ïa kynduh ïaki nongrep jong ka Shnong Umladoh Ribhoi District na ka bynta ban ai mynsiem ïaki halor ka jingshah pynjot ki jaka rep da kaba ki la aiti ruh ia ki tynrai diengsoh sha ki nongrep jong ka Umladoh.
Katei ka jingleit ki nongïalam ka Hills farmer Union sha katei ka shnong ka long Hadien ka jing iohi haki pathai khubor halor ka jingshah pynjulor iaki jingthung jingtep jong ki nongrep haki nongtrei jong ka KHADC.
Haba kren naka liang u Bah Alfonbirth Kharsyntiew general Secretary ka Hills farmer Union sengkmie, u la pynpaw iaka jingsngew khia haba ngi iohi ba ki nongrep ki shah pynjulor ki jingthung jingtep jong ki bad dei halor kane ka bynta ki la wan ban ïa kynduh mar khmat bad ki nongrep bad ban ai mynsiem ïaki ba kim dei ban duh jingkyrmen.
Shuh shuh u la ong, kane ka jingwan jong ki kam dei ban wan pynrem ïano ïano hynrei ka dei beit ban kyrshan bad ban ai mynsiem para nongrep ba kim dei ban duh jingkyrmen bad ban nang bteng ïaki kam rep jong ki.
