Wat la ka Election Commission ka ri India kam pat pynbna ia ka tarik jong ka election shiteng samoi na Gambegre Constituency ha ka jylla Meghalaya, hynrei ki kyrtong kiba la pan ticket ban ia khun na ka party Congress u dei tang u Jingjang M. Marak uba la dep ban pan ticket na kane ka party Congress.
U President ka MPCC, u Ma Vincent H. Pala ha ka sngi Thohdeing u la ong ba ka party Congress ka la ioh pdiang ia ka aplikeshon u Jingjang M. Marak, uba la pan ticket ban ia khun ha ka election shiteng samoi na Gambegre Constituency bad na ka liang ka MPCC ruh ka la dep ban mynjur ban phah ia ka kyrteng jong u sha ka High Command sha Delhi ban ai ia ka rai kaba khatduh.
Ia kane la pynthikna ruh da u MP ka Tura, u Saleng A. Sangma, ba ha kane ka election shiteng samoi dei tang u Jingjal A. Marak uba la pan ticket ban ia khun ha kane ka election shiteng samoi bad na ka liang ka District Congress Committee ruh ka la mynjur bad la phah ia ka kyrteng jong u sha ka MPCC bad ka MPCC kan sa phah mynta sha ka High Command ban ai ia ka rai kaba khatduh na Delhi.
Kum ban pynkynmaw, kane ka election shiteng samoi la hap ban pynlong biang ha Gambagre Constituency, ka dei hadien ba u MLA ka Congress u Saleng Sangma bad uba la jop ruh ia ka election ML u la shah jied kum um MP na Tura, kaba u la dep ba ai ia ka shithi iehnoh kam kum MLA hadien ba u la jop kum u MP na ka Tura Parliamentary Seat.
