Ka khubor ba ki lai ngut ki MLA ka Congress ki la thmu ban leit pyniasoh noh sha ka party NPP ka la dang beh jur bha bad kumba la ioh lum jingtip la thikna ba kitei ki 3 ngut ki MLA kin sa leit ban pyniasoh noh sha ka party NPP mynta ka sngi ha Nongbah Shillong.
Kat kum ka khubor ba ioh lum, kine ki MLA ka Congress ki dei u MLA ka Nongstoin Bah Gabriel Wahlang, u MLA ka Mawhati Bah Charles Marngar bad ka lah ruh ban kynthup ia u MLA ka Umsning Dr Celestine Lyngdoh, ha kaba wat la um pat pynpaw paidbah halor kane ka jingthmu ban pyniasoh sha ka party NPP.
Ha ka jingshisha ka party Congress ka don 5 ngut ki MLA bad mynta ka Party Congress kan don sa tang uwei u MLA u Bah Ronnie V Lyngdoh MLA na ka Mylliem Constituency, kaba dei hadien ba u Saleng A. Sangma u la iehnoh kam noh kum u MLA hadien ba u la shah jied kum u MP na Tura Parliamentary Seat bad kitie ki lai ngut pat ki la thmu ban pyniasoh sha ka Party NPP.
Ki 3 ngut ki MLA ka Congress bad ba ka lyer ka la beh bha halor ka jngthmu ban pyniasoh noh sha ka party NPP ki kynthup ia u MLA ka Umsning u Dr. Celestine Lyngdoh, u MLA ka Nongstoin u Bah Gabriel Wahlang bad u MLA ka Mawhati u Bah Charles Marngar bad lada kine baroh lai ngut ki MLA Congress kin leit ban pyniasoh noh sha ka party NPP ka party Congress kan don sa tang uwei u MLA kata u Bah Ronnie V. Lyngdoh, MLA ka Mylliem Constituency.
Kumba la sawa jur ka sur uba bun balang, la ioh lum jingtip, ha kaba wat la na ka liang kitei ki 3 ngut ki MLA ka Congress kim shym la pynbna paidbah ban pyniasoh sha ka party NPP bad ruh ka party NPP ka dang sngap jar halor kane ka kam, , hynrei ka sur ba la ioh lum jingtip na kiba bun balang la ong ba kine ki 3 ngut ki MLA ka Congress la thikna ba kin leit ban pyniasoh noh sha ka party NPP mynta ka sngi ha Nongbah Shillong.
