Ki 3 ngut ki MLA Congress kiba la paw kyrteng ban pynïasoh sha ka party NPP mynta ka sngi kila leit ban pynïasoh pura ïalade sha ka National People’s Party kaba dei ka party kaba synshar haka jylla.
Kitei ki 3 ngut ki MLA ka Congress ki kynthup ïa u Dr Celestine Lyngdoh MLA ka Umsning bad 2 ngut ki MLA kiba la shah sospon ruh haka Meghalaya Pradesh Congress Committee ba kynthup ïa u Charles Marngar MLA ka Mawhati bad u Bah Gabriel Wahlang MLA ka Nongstoin.
Ïa ka jingialang ban pdiang burom ïa kitei ki 3 ngut ki MLA la pynlong mynta ka janmiet ha ophis treikam jong ka NPP kaba don ha Nongbah Shillong bala wan ruh ban pdiang sngewbha da u Conrad K Sangma u ba dei u National President ka party NPP ha ryngkat ka jingdon lang u State President ka NPP u Bah Prestone Tynsong bad kiwei kiwei ki heh nongialam ka NPP.
Lyngba kane ka jingpyniasoh kitei ki 3 ngut ki MLA Congress, ka Congress party ka la don sa tang uwei u MLA kata u Bah Ronnie V Lyngdoh MLA ka Mylliem u ba la shah iehnoh marwei ha ka seng Congress kumba ki MLA Congress ki don satang 4 ngut hadien ka jingiehnoh kam u MLA ka Gambegre u Saleng Sangma hadien ba u la jop iaka elekshon MP Lok Sabha na Tura Parliamentary Seat.
