3 ngut ki briew na ri Bangladesh bad 3 ngut na ri India kiba don kti ha kaba pynpoi ia kitei ki briew na Bangladesh ki la shah kem ha ki shipai BSF ha West Jaintia Hills District.
Kane ka jingjia ka la jia ha sngi Nyngkong, ha kaba ki shipai BSF ki dang pynlong ia ka parhara kaba jur ia ka jingthmu rung tuh ki briew na Bangladesh ba la don kti ruh ban iarap da ki briew na ri India.
Kine kiba la shah kem ki kynthup 2 ngut ki shynrang bad iwei I kynthei na Bangladesh bad ki 3 ngut pat ki briew na India kiba la don kti ban iarap ki dei ki shynrang ha kaba la kem noh ia ki, ong ka kyrwoh ba la phah da ki shipai BSF.
Hapdeng kane ka jingbym don ka shongsuk shongsain ha Bangladesh, ki Shipai BSF na Meghalaya ki la pynjur bha ban pahara bad ban peitngor ha ki khappud ka India bad Bangladesh na ka bynta ban khanglad ia ka jingthmu rung tuh ki briew kiba na Bangladesh sha India.
Ka kyrwoh ka ia thuh ruh ba ia kitei ki 3 ngut ki briew na Bangladesh bad kitei ki 32 ngut ki briew na India kiba la don kti ha kane ka kam la leit ban aiti noh sha ki bor pulit ba kin leh katkum ki kyndon ba shah jong ka ain.
