Ki rangialehkai ka Emami East Bengal Football Club, ki la poi ha Nongbah Shillong mynta ka janmiet, kata shisngi shwa ban kin iakhun pyrshah ia ka Shillong Lajong Football Club, kaba kin iakhun ia ka Quarter Final ban iong rung sha ka Semi-Final ha ka Durand Cup 2024.
Ka East Bengal FC kan iakhun pyrshah ia ka Shillong Lajong FC ha ka janmiet jong ka 21 tarik, ha kaba ka jingiakhun hapdeng kitei ki Klob ba la bna nam kan long ha ka por 7 baje janmiet ha madan JN Stadium, Polo.
Khyndiat haba phai sha ka kynhun ialehkai ka East Bengal FC, ka dei ka kynhun kaba don ha ka Group-A ha ka Durang Cup, katba ka Shillong Lajong FC ka don ha ka Group-F.
Ka jingiakhun ba khatduh jong ka East Bengal FC ka dei pyrshah ia ka Altyn Asyr FC ka kynhun ialehkai na ri Turkmenistan, kiba la la iakhun ha ka AFC Champion League Two bad kaba la long ha Salt Lake Stadium, Kolkata, ha kaba ka East Bengal ka la shah rem noh da 3-2. Katba ka jingiakhun ba khatduh ka Shillong Lajong FC ka dei pyrshah ia ka FC Goa bad kiba la pynkut ia ka jingiakhun da kaba jingiakhaid kaba 1-1.
