Kum shi bynta ban wat iaki thei ïalehkai kiba tbit ban jied pat ban mih khmat na ka District Ribhoi ban leit ïa khun sa kiwei pat ki District, Ka Ribhoi District sports Association RBDSA mynta ka sngi ka 21 tarik Nailar, 2024 ka la ïoh ban plie pyrda pat sa kawei ka lympung ïalehkai ball naka bynta ki kynthei kaba la tip kum ka Women’s League Jong u snem 2024 ïa kaba la ïoh ban pynlong ha madan ïalehkai jong ka shnong Umdihar, Ribhoi District.
Ïa katei ka lympung ïalehkai ball ba pynlong daka RBDSA la wan ban plie pyrda noh da u Bah RR Makdoh Adviser ka RBDSA Kum u kongsan haka jingïadon lang u bah RB Shadap President ka RBDSA, ki nongkitkam ka Umdihar sports club bad ki Ningkitkam jong ka Dorbar shnong Umdihar.
Ha katei ka sngi Plie la ïa sakhi lang ïaka jingïalehkai hapdeng ka kynhun Narympei Youth Football Academy pyrshah ïaka kynhun jong ka Lyntijam Football Center hakaba ki thei ïalehkai na baroh artylli ki kynhun ki sei ïa la ka sap ban ïa khun tyngeh ban ïoh pynkhih ïaka jar bad dei lyngba artylli ki kol naki thei ïakehkai ka Narympei Youth Football Academy ka la pynlong syndon ban rah ïaka nam jop da 2 kol la 0 pyrshah ïaka Lyntijam Football Centre.
