Ka ain aiu, kaba shah ban pynbun shuh shuh iaki Number jong ki kam, hadien bala pynbna iaka Result, kane ka long ka jingpyn khlemrain iaka rukom thungkam thungjam jong ka Jylla.
Ia kane la ong da u Myntri Rangbah Barim ka Jylla u Mukul Sangma halor ka kynrum kynram ka rukom thungkam thungjam hapoh ka Meghalaya Public Service Commission (MPSC).
“Mynta ka jingkylli ka mih, Hato ki samla wad kam ki dang shaniah ne em iaka MPSC” la ong u Mukul.
U Mukul Sangma ula ong baka Sorkar Jylla kadei ban pynleit jingmut jylliew bha kumno ban pynbeit iaki rukom treikam ka MPSC bad ki DSC namar, jan man ka pork i samla wad kam ki ju kynnoh, baka don ka jingle shilliang bad ka jingle bym hok bad bym khuid haba iadei bad ka thungkam thungkam.
U la ong ba ka dei ka kamram jong ka Sorkar Jylla ban tih bniah ia ki jingartatien bad ki daw ba pynlong iaki samla wad kam ban duh jingshaniah haka MPSC bad ki DSC.
“Ngim lah ban shah ba kane kan iai jia namar ka long kaba ma, lada ki samla wad kam ki duh jingshaniah haka MPSC bad ki DSC” ula ong.
Haba pynksan iaka jingdawa ban weng ia ki dkhot ka MPSC kiba don jingiadei bad ki sengsain pyrthei, u Myntri Rangbah Barim u Mukul Sangma ual ong “Phi la iohi ha ka por ba nga dang bat kum u Myntri Rangbah ka Jylla, ngi da thaw da ka Search Committee ban thung dkhot jong ka mpsc”.
“Kane ka jingthaw Search Committee kam dei tang ban pynthame iaki paidbah. Lada phi peit iaki dkhot jong ka MPSC haka por ba nga bat kum u Myntri Rangbah ka Jylla phim lap ba ngim ju thung iaki briew kiba don jingiadei bad ki sengsain pyrthei kum ki dkhot MPSC” la ong u Mukul.
