Ka kynhun jong ki nongtrei Muster Roll ha ka shatri jong ka All Jaintia Muster Roll Workers and Labours Union mynta ka 28 Tarik Nailar ki la mih shakhmat ban buh ia ka jingkyrpad na ka sorkar jylla na bynta ban pyntreikam noh ia ka Meghalaya Regular Casual Workers Scheme jong u snemn 1996.
Ia kane ka jingkyrpad na ka liang katei ka Union, la pynpaw ha ka jingiakren bad ki Nongthoh Khubor ha Shillong Press Club.
Na ka liang ka President jong ka AJMRW& LU, ka Kong Dayoowanphi, ka la pynpaw, ba kane ka kynhun ka la wanrah ia kane ka phang na ka bynta ka jingmyntoi bad ka bhah kaba kyrpang na bynta kito ki nongtrei Muster Roll hapoh ka jylla khamtam hapoh ka thaiñ Jaintia Hills District.
Ka la pynpaw ruh, ba watla ia kane ka scheme la pyntreikam ne ammend naduh u snem 1996 ha ka jylla Meghalaya, hynrei kumba long mynta la don katto katne tylli ki tnad treikam sorkar ki bym pyntreikam ia kane ka skhim kaba la buh jingeh ne pynduh ia ka hok ki nongtrei Muster Roll.
“Na ka Liang ka Union, ka la buh ia ka jingkyrpad na ka sorkar jylla, ba kan phaikhmat lem halor kane ka phang ban pyntreikam ia kane ka skhim kaba la don lypa mynta la kumba 28 snem eiei na bynta ka jingmyntoi jong ki nongtrei Muster Roll”, ong ka Kong Dayoowanphi.
