Uwei u rangbah ba la tip kyrteng kum u Coldman Kharbihthai ha ka rta kaba la 40 snem ei ei u la mynsaw jur hadien ba kawei ka Kali Bolero Pik-up kaba don ia u number ML 13 A-1479 ka la leit ban tynrah kynsan bad katei ka Kali Bolero Pik-up hadien katei ka jinghia ka la phet krad ruh na katei ka jaka, ha kaba la ioh ban bat pat kham hadien ha Nongpoh hajan ka Nongpoh Police Station.
Kane ka jingjia la anta dba ka la jia ha ka por 8.45 ei ei janmiet, ba katei ka Kali Bolero Pik-up ka la iuh ia utei ur angbah haduh ba kawei ka kjat ka la pait bad pra ba une u rangbah u la mynsaw jur.
Namar ka jingjur ka jingmynsaw, la pynkit noh mardor ia une u rangbah sha Civil Hospital Nongpoh ban ioh ia ka jingsumar kaba mardor.
Na ka liang ki bor pulit ka Nongpoh Police Station kiba la poi mardor ban ai jingiarap ia une u rangbah ba la mynsaw jur, ki la pynlong ruh ia ka jingtohkit bad ban leh katkum ki kyndon jong ka ain, kaba dei hadien ba la ioh bat ruh ia u dribar bad katei ka Kali ha Nongpoh.
