Kum shibynta ban rakhe bad ban shim bynta ha ka jingrakhe ia ka National Sports Day, ka ophis u District Sports Officer West Khasi Hills District ha ka jingiatrei bad ka ophis u Deputy Commissioner Eastern West Khasi Hills District, ha ka step jong ka 30 Tarik Nailar, ka la ioh ban pynlong ia ka jing marehmarathon bad ka jingniah saikil, ha kaba ia katei ka jingrakhe la pynlong ha Mairang Eastern West Khasi Hills District.
Kane ka jingiakop mareh marathon bad ka jingiakop niah saikil la sdang nana ka ophis treikam u DC Mairang.
Ha katei ka jingmareh marathon ki don ar bynta, kata na ka bynta ki samla (senior) kynthei bad shynrang kaba dei 10km ka jing jngai bad jong ki heprit (junior) kynthei bad shynrang ka dei 5km ka jing jngai. Ha ka jingianiah saikil ki don ar bynta, kata jong ki kiba la heh (senior) kynthei bad shynrang ka dei 15km ka jingjngai bad na ka bynta ki khynnah rit (junior) khynthei bad shynrang ka dei 10km ka jin jngai.
Ha katei ka jingshim bynta ia ka National Sports Day Run & Cycling la wan ban ia shim bynta da ki khun samla, ki longkmie bad ki heprit ka thain Eastern West Khasi Hills District.Ha ka jingniah saikil la wan ban kaweh lama da u Bah M. Diengdoh ADC ka Eastern West bad ia ka marathon la wan ban kaweh lama da u bah A. Nongbri ADC Eastern West.
Ha kane ka sngi, shuwa ban sam ia ki khusnam sha ki nongjop, la pynlong ruh ia ka jingialang ba lyngkot ha khmat ka ophis DC Mairang.
U Bah A. Nongbri haba ai jingkren u la pynpaw ia ka jing sngewkmen ba ki la ioh ban shimbynta bad rakhe ia ka National Sports Day ha ryngkat ka Ri India hi baroh kawei bad u la ong ruh ba kane kan ym kut tang ha kane ka sngi hynrei kan dang iai bteng namar ba ka jingialehkai sport5 ka lah ban wanrah ia ka koit ka khiah bad kaba lah ruh ban ai ia ka ioh ka kot.
