Kum shi bynta ban tip, iaki rukom pyniaid ki skul bad jaka pule sha kiwei ki Ri, ka Tnat Pule Puthi kan sdang noh da ka CM Globalship Program ban phah iaki samla pule sha kiwei ki Ri.
Ka Tnat Pule Puthi ka Sorkar Jylla kan phah 10-15 ngut ki samla pule shaka Ri United Kingdom kum shi bynta ka Student Ex-change Program ban tip iaka jinglong jingman ka pule puthi sha katei ka Ri.
Ia kane la pyntip da u Myntri ka tnat Pule Puthi u Rakkam A Sangma hadien ba wai ka jingrakhe iaka sngi kyrpang ki Nonghikai lane ka ‘Teachers Day’ ha State Central Library Shillong.
“Kane kan hap haka Special Program kata ka CM GlobalShip Program jong ka tnat Pule Puthi ka Sorkar Jylla haka ba 10-15 ngut ki samla pule na ki skul bapher bapher ha ryngkat bad ki katto katne ki Nonghikai kin leit shaka Ri United Kingdom ban shah hikai pyntbit bad haka juh ka por ban tip, iaki rukom pyniaid ki skul bad ki jaka pule ha katei ka Ri” u la ong.
