Ka Mynken Christian Higher Secondary School kaba la mihkhmat na ka jylla ha ka U-17 International Subroto Cup Football Tournament 2024 kaba la long ha Nongbah Delhi, ka la pynthikna ialade ban rung sha ka Semi-Final, kata ka dei hadien ba ka la lah ban pynliem noh pyrshah ia ka CISCE Minerva da 3-1.
Kumba ban shu kdew hangne, ba ha ki jingiakhun ba la leit, ki rangialehkai ka Mynken Christian HSS, ki la lah ban pynliem da kaba thep bun kol pyrshah ia ki skul ba ki iakhun pyrshah, ha kaba ki la thep 23-0 pyrshah ia ka D&NH&D&D, nangta 5-0 pyrshah ia ka Bihar bad 1-0 pyrshah ia ka Chandigarh.
Ha ka jingiakhun Quarter Final ba mynta ka sngi, u Bangangson Nongphlang u la ïoh ban thep lai kol bad kaba la pynbiang pura ia ka Mynken Christian HSS ba kin pynliem ia CISCE Minerva da 3-0 bad ban rung sha ka Semi-final ha ka U-17 International Subroto Cup Football Tournament 2024.
