Ym tang ki bor pyniaid skul ka Mynken Christian Higher Secondary School, Bhoirymbong bad ka kynhun kiba la bynnud shisha ha ka jingrem noh ia ha ka thup jong ka phainal ka International Subroto Cup 2023 ba la pynkut noh mynta ka sngi ha Nongbah Delhi bad ka jingrem noh ka kynhun ialehkai ka Mynken ha katei ka lympung ka la pynbynnud shisha ia ki paidbah ka jylla Meghalaya hi baroh kawei.
Kum ban pynkynmaw, ka Nongjri Presbyterian Secondary School, dang shen ha ka kyrdan under-15 ka la long ka lahduh jong ka International Suboroto Cup 2024 ba la pynlong ha Bangalore bad ha ka kyrdan under-17 ki shyrang ruh ka jingkhmih lynti kiba bun ki paidbah ba ka Mynken ruh kan ioh rah ia ka nam jop ka la pulom noh, kaba dei hadien mynta ka sngi ha ka jingiaknieh ia ka kan lahduh ka la shah pynrem noh ha ka kynhun ialehkai na Manipur.
Kumba la sakhi ha ka jingiakhun ha ka thup jong ka phainal hapdeng ka kynhun ialehkai ka Mynken pyrshah ia ka Manipur ka la don ka jingkyrmen kaba skhem ba ka Mynken kan ioh khur ia ka nam lahduh, ha kaba ha ka jingiakhun naduh ka kylla step haduh ka kylla miet ka la kut da ka jingiakhaid kaba ki la ioh ban thep mar shi kol bad sniewbok noh ha ka jingiashun tie breaker ka Manipur ka la ioh rah ia ka nam jop da kaba ka la pynrem noh ia ka Mynken da 4-3 kol.
Wat la ka mynken kam shym la ioh shuh ban poi sha ka thong kum ka laduh bad ka long pat ka burom ba u rangialehkai ka Mynken u Banpliebok Khongjoh u la ioh rah ia ka nam best player bad u Bah Kit Kharlukhi u la ioh ia ka nam best coach, kaba long hi ka burom ia ka jylla Meghalaya.
