Kumba la ioh lum jingtip mynta ka sngi ka Longkmie Garo ryngkat kiwei ki longkmie bad ki nongshong shnong na ki shnong khappud ka Meghalaya, ki la pyni bor syndon ia ki briew na Assam kiba wan ban kam jaka jubor sha u pud u sam ka jylla Meghalaya ba hap ha ka shnong Maiong ha Ri Bhoi District.
La ong ruh ba kine ki briew na Assam ha ka jingialam u Joyram Sarma lem bad kiwei ki briew na Assam ki la wan kam jaka jubor haduh u pud ka shnong Maiong bad ki la kynnoh ruh ba kitei ki kynhun ki la wan rah ruh da kawei ka kynthei bad ki SULFA tang ban pyntieng ia ki paidbah ka shnong Maiong.
Dei ha ka jingialam ka Ringkumuni Marak kum ka President ka All Meghalaya Garo Women Association ki la ia khun pyrshah ia kitei ki briew na Assam khlem da ailad ban wan kam jaka jubor sha ka shnong Maiong.
Kumba la iathuh da ka Ringkumuni Marak la ong ba kitei ki briew na Assam ym tang ba ki la wan bankam jaka jubor sha ka shnong Maiong, hynrei ki la byrngem byrsit ryngkat kitei ki SULFA ban siat ne pyntbhei bom lada pyrsha ki briew na Meghalaya ia katei ka jaka ba ki la wan kam trai jubor.
Shuh shuh, ka la iathuh ruh ba la mih ktien kaba shyrkhei hapdeng ki briew na Meghalaya bad kitei ki briew na Assam bad dei lyngba ka jingwan poi ki Pulit na Pilangkata ba kitei ki briew ki la phet noh rygnkat kitei ki SULFA kiba la byrgnem ban siat bad ban pyntbthei bom lada pyni bor ki briew na Meghalaya ia katei ka jaka ba ki la wan kam trai ha ka shnong Maiong ba hap ha u pud u sam ka jylla Meghalaya.
