Ka Liangpyrshah ka Voice of the People Party (VPP) kala pybna ban pynlong ka jingiakhih daka ba shong kyllain mungor ha ka 13 tarik Nailur ha Madan Malki.
Kane ka jingiakhih daka ba shong kyllain mungor kadei ban pyrshah ia ka jingkiew dor ki mar ki mata hapoh ka Jylla.
Lah ban kdew ba dang shen hapoh ka iingdorbar thawain ka Jylla, ka VPP kala pyrshang ban rah ia kane ka mat ban iakren hynrei, ka khlem ioh lad satia.
“Ngin pynlong ia ka jingiashong kyllain mungor kaba shisngi pyrshah ia ka jingkiew dor ki mar ki mata ha madan Malki naduh ka por 10 baje mynstep haduh 5 baje janmiet” la pynbna u President ka VPP u Bah Ardent Miller Basaiawmoit uba dei ruh u MLA ka Nongkrem.
Haba iadei bad kane, ka VPP ka kyntu ia ki nong shong shnong ka Jylla kiba don jingsngewkhia ba kin wan iasnohkti lang bad iashimbynta ha kane ka jingiakhih haka 13 tarik mynta u bnai.
