Ka Kyrwoh kaba la phah da u Bah Hojising Suting, General Secretary ka Seng Kur Suting Khasi bad Jaintia, u la pyntip sha ki lad pathaikhubor, da kaba ong ba ka seng kan sa pynlong ia ka jingialangbah ne ka jingiakynduh hapdeng ki para Kur ka ban sa long ha ka 21 tarik mynta u Bnai ha ka por 11 baje mynstep ha Iing Dorbar ka Mission Compound, Mawkhar Shillong.
Namarkata, lyngba ka Kyrwoh, utei u nongialam ka Seng Kur Suting, u la ong ba ka Kur ka kyrpang ia ki longkmie longkpa, ki khun samla kynthei bad shynrang jong ka Seng Kur Suting, ba kin ia mih ryntih ha katei ka sngi bad ban poi khnang sha katei ka jingialang ba donkam eh jong ka Kur Suting ba mynta u snem.
Ka Seng Kur Suting, ka kyntu ia baroh ki para Kur kiba najan bad jngai ba kin poi sha katei ka jingialang, na bynta ban iakren halor shibun ki kam kiba iadei bad ka Kur Suting.
