Katkum ka kaiphod ba la pynmih da ka IMD ha kaba iadei bad ka jinglong jingman ka suin bneng, ka Additional Deputy Commissioner cum CEO DDMA, Ri Bhoi District, Nongpoh ka la pyntip ba ka lah ban don ka jinghap slap kaba kham jur, u pyrthat ha ryngkat bad ka lyer hakine ki sngi ki ban wan kata naduh ka 11th to 15th September 2024.
Ha kaba iadei bad kane la bthah iaki paidbah ban bud ryntih ia kine ki jingbatai khnang ban lait na kino kino ki jingjia kiba sngewsih kum ka ba buh bha iaki tiar kiba lah ban shahrong ha ka lyer, kata kum ki dieng, tin sop iing lane mawit ba shong synjor, ki tin theh niut, ki signboard bad kiwei kiwei.
La pyntip ruh ba lada ka jingba leilieh ka long kaba jur bad neh slem kiar na kaba pyndonkam ia ki tiar electric kum ki mobile, isteri, radio, television.
Shuh shuh, la btah ruh ia ki paidbah paidbah ba ki dei ban phikir bad kiar na kaba don hajan jong ki wah, nala, kshaid ha ka por ba jur slap ne hadien jong u slap. Kiar na kaba niah kali ha ki jaka ba shlei um bad kiar na kaba ieng hajan jong ki post electrik ban lait na ka jingshah bat electric. Na ka bynta kino kino ki lad iarap ba kyrkieh pyntip sha ka District Emergency Operation Centre, DC’s Office Ri Bhoi District ha ki number 6009906348 lane ha ka ophis jong u BDO ha la ki jong ki jong ki block.
