Ka Eastern West Khasi hills districts Kho Kho Association ha ryngkat ka jingiatreilang bad ka ophis District Sports Officer nongstoin WKHD kala ioh ban pynlong ia ka open to all 2 nd District Level Kho Kho General Demonstration cum Competition ha ka 12 bad 13 tarik Nailur 2024 ha madan kynshi pyllun EWKHD.
Ha kane ka lympung iakop la wan ban shim bynta da ki khynnah kynthei bad shyrang kiba la wban shim bynta ba pynrung kryteng ia lade bad laioh ruh ban ai ia ka jinghikai (demonstration) kaba bniah bha na ki match official kumjuh ruh la ioh ban ai ia ka practical da kaba ialehkai ha madan. Hadien kane pat la ioh ban phiah ia ki rang bad thei Ialehkai ha ki artylli ki zone kata ka East Zone hapoh ka jingialam ka Little Star Academy bad ka West zone pat hapoh ka jingialam ka United academy.
Kum ban shu pynpaw ba ia kane ka Lympung Ialehkai kho kho ba ar sngi la pynlong ruh kum ka thong ban jied ia ki rang bad thei kynsai Ialehkai kho kho ba kin ioh ban leit mih khmat pat sha ka Lympung ba kham heh kata ka Meghalaya Games 2025.
