Ha kaba khatduh na ka daw ka jingbym lah u President barim u Bah Marcus Marten bad kiwei ki nongialam ban pynurlong ia ka jingdawa ba la ai por ba kynthup ban pynthymmai noh ia ki nongialam bad ruh ban ai jingkhein jingdiah halro ka jinglut jingsep kaba la neh mynta la 13 ne 14 snem, ki Dribar bad ki trai Auto Rickshaw ha ka thain Nongpoh ki la pynlong da ka jingialang paidbah (General Meeting) bad ha kane ka jingialang ki la jied syndon da ki nongialam ba thymmai ka Nongpoh Nongpoh Region Auto Rickshaw Driver & Owner Association ha ka jingialang kaba la long ha Dorbar Hall Iewmawlong ha Nongpoh.
Kumba la pynpaw ha katei ka jingialang, ka daw kaba ki la hap ban lum ia kane ka jingialang bad ban jied noh da kiwei ki nongialam, ka dei na ka daw ka jingbym treikam jong ki nongialam lem bad u President barim jong ka Association u Bah Marcus Marten la bun phew snem mynta. Kane ka jingbym treikam ki la shim ruh ia ka rai ban jied thymmai ia ki nongialam kane ka Association bad la pynskhem ruh ia ka rai da ka jingdon lang haduh 200 tam ki ki Nongñiah bad ki trai Auto Rickshaw naki 9 tylli ki Unit.
Na kane ka jingialang ba ki la jied ia ki nongialam ba thymmai, ki la shim ruh ai ka rai ba u President barim jong ka Association u Bah Marucs Marten un hap ban pynshai ïaka rukom treikam bad ka jingkheiñ jingdiah ha khmat ki Nongkitkam kiba thymmai jong ka Association.
Ki nongkitkam ba thymmai kane ka Association ba la tip kum ka Nongpoh Region Auto Owner & Driver Association ki kynrthup ia u President ba la jied ia u Bah u Bah Banasar Lyngdoh Nonglait, Vice President Bah Tony Shylla, Secretary Bah Donbok Nongkhlaw, Assistant Secretary Bah Bakmenlang Suting, Finance Secretary Bah Cornelius Mawrie, Assistant Finance Bah Arbistar Thankhiew, Publicity Secretary Bah Forster Lyngdoh, Bankitboklang Nongshli Sports Secretary, Lem bad kiwei kiwei ki Nongkitkam.
Ia kine ki nongialam ka Association ba la jied thymmai mynta ka sngi la wan ban pynskhem da u MLA ka Nongpoh u Bah Myaral Born Syiem bad la don ryngkat lang u Traffic In-charge ka Nongpoh u Nubul Ali, u Bah Plielad Tiewsoh Founder Member ka Association bad kiwei kwei.
Na ka liang u MLA ka Nongpoh u Bah Mayral Born Syiem haba pynskhem ia kine ki nongialam ba thymmai, u la ai ka jingkyrkhu kyrdoh bad ruh ryngkat ki kyntien sneng ki kyntien kraw ba kum ki Dribar bad ki trai ka Auto Rickshaw ki hap ban ai ka jingshakri kaba bha tam ia ki paidbah nongleit nongwan ha ka thain Nongpoh.
