Ka Indian Super League (ISL) ne ka lympung ialehkai kaba heh duh ha India, ka la sdang mynta ka janmiet ha Salt Lake Stadium, Kolkata, ha kaba ki kynhun kiba la iakhun haba sdang jong katei ka jingiakhun, ka dei hapdeng ka Mohun Bagan pyrshah ia ka Mumbai City Football Club bad ka jingiakhun jong ki, ka la kut noh ha ka jingiakhaid kaba 2-2.
Haba phai sha katei ka jingiakhun, ha ka jingiakhun bad haduh ba kut ka kylla step, ka Mohun Bagan ka la lah ban lamkhmat ia ka jingiakhun da kaba tam da 2-0 bad kata ka dei lyngba ka kol kaba la kum thep hi da u Jose Luis Espinosa Arroyo, uba la kum thep sha kol lajong ha ka minit ba 9 jong ka jingiakhun bad hadien tang katto katne minit ka Mohun Bagan ka la ioh biang ban thep kol lyngba u Alberto Rodriguez ha ka minit ba 28 bad kaba ki la pynkut ia ka kylla step, da kaba ka Mohun Bagan ka tam ia ka Mumbai City da 2-0.
Ha ka jingiakhun ba bteng jong ka kylla miet, ki rangialehkai ka Mumbai City ki la pynshang ban ialehkai bha na bynta ban pynphai ia kitei ki kol ba ki la shah thep ha ka Mohun Bagan bad ha kaba kum katei ka rukom lehkai bad trei shitom da ki rangialehki ka Mumbai City FC, ki la ioh ia ka kabu ban thep kol lyngba u Jose Luis Espinosa Arroyo ha ka minit ba 70 bad tang hadien katto katne minit kata ha ka minit ba 90 ka Mumbai City FC ka la ioh ban pyniakhaid ia ka jingiakhun lyngba u Thaer Krouma, kaba la pynlong syndon ia katei ka jingiakhun ba sdang jong ka ISL ba kan iakhaid da 2-2.
