Ka kynhun ialehkai Hockey ka India, ka la long kum ka nongjop ha ka Asian Hockey Champions Trophy 2024, kata ka dei hadien ba ka la lah ban pynliem noh ia ka China ha ka jingiakhun phainal kaba la long mynta ka janmiet ha Moqi Hockey Training Hulunbuir, China.
Lyngba ka namjop kaba mynta ka sngi ha ka Asian Hockey Champions Trophy 2024, ka la dei ka sien kaba 5 ia ka India ba kan long kum ka kynhun lahduh ha katei ka lympung ialehkai Hockey bad kaba la tip kum ka Asian Hockey Champions Trophy.
Ka namjop ia ka India ha ka jingiakhun phainal pyrshah ia ka China, ka dei lyngba ka kol kaba la thep da u Jugraj Singh ha ka minit ba 51 jong ka Quarter ba saw ha ka jingiakhun bad kaba la pynlong syndon ia ka India ba kan long kum ka lahduh ka ka Asian Hockey Champions Trophy.
