Haba sdang ka UEFA Champions League, ka Liverpool Football Club ka la ioh ban khur namjop, hadien ba ka la lah ban pynliem noh da 3-1 pyrshah ia ka AC Milan, ka Klob ba radbah napoh Italy, ia kaba ki la iakhun ha San Siro Stadium, Italy.
Ka jingialehkai, ka long ba tang ha ka minit ba 3 jong ka jingiakhun, ka AC Milan ka la ioh ban pynkhihjar nyngkong, ia kaba la thep da u C. Pilisic, hynrei ia katei ka kol, ka Liverpool FC ka la ioh ban pynphai ha ka minit ba 23 ia kaba la thep da u I. Konate bad hadien kata bud sa ka kol kaba la thep da u V. Van Dijk ha ka minit ba 41 bad kaba la neh haduh ba kut ka jingiakhun jong ka kylla step. Ha ka kylla miet ka Liverpool ka la pynskhem ban khur ia ka namjop ka dei hadien ka kol na u D. Szoboszlai, uba la thep ha ka minit ba 67.
Kiwei pat ki kynhun kiba la iakhun ha ka UEFA kaba hynnin ka miet, ka Juventus ka la pynliem ia ka PSV da 3-1. Ka Aston Villa ka la pynliem ia ka Youngs Boys da 3-0. Ka Real Madrid ka la pynliem da 3-1 pyrshah ia ka VfB Stuttgart, ka Bayern Munich ka la pynliem kput da 9-2 pyrshah ia ka Dinamo Zagreb bad ka Sporting ka la pynleim da 2-0 pyrshah ia ka LOSC.
