Ka Sorkar Jylla jong ka Mizoram mynta ka sngi ka la pynbna ba ka Dr. Renu Sharma, IAS (AGMUT:1988), kan shongthait noh na ka kam shakri paidbah hadien ba ka la bat ia ka kyrdan kumnka Chief Secretary jong ka sorkar Mizoram.
Kane ka jingpyntip, halor ka jinghap ban shongthait noh na ka kyrdan kum ka Chief Secretary jong ka Dr. Sharma ka long ruh halor ka jingnang iaid ka ryta ban shongthait katkum ki kyndon treikam ha kaba ka sngi ban shongthait pura kan long ha ka 31 tarik Risaw 2024.
Ka khubor na ka sorkar jylla Mizoram, ka la pynpaw ia ka jingsngew bynnud kaba khraw ban duh noh ia ka jingshakri jong ka Dr. Sharma kaba la long kawei na ki ophisar kaba la ai jingshakri kaba janai tam ban wanrah ia shibun ki jingkylla ha ka rukom pyniaid ne trei ia ki kam paidbah ha kane ka jylla
Lah ban kdew, ba ka Dr. Renu Sharma, ka la shimti ia ka kyrdan kum ka Chief Secretary jong ka sorkar Mizoram ha ka 2 tarik Naiwieng 2021.
