Da ka jingiatrei lang ki Pulit ka Raliang Police Station bad ka Umrangso Police Station, la lah ban pynpulom noh ia ki kam beain ka kynhun runar kiba ju don kti ha kaba pyniaid ia ki Kali thuk thuk bas huh tuh ha khappud ka Meghalaya bad Assam ba hap khappud ka Assam bad Rilum Jaintia ha Meghalaya.
Kane ka jinglah ba pynpulom noh ia katei ka kynhun bad ia ki kam beain jongki ha kaba pyniaid ia ki Thuk thuk ba tuh ha khappud ka Meghalaya bad Assam, ka dei hadien ba na ka liang ki Pulit ki la ioh ban kem ia kitei ki runar mynta ka sngi, kaba dei lyngba ka jingialeit ban khynra lang da ki Pulit ka Raling Police Statin bad ka Umrangso Police Station.
Kumba la pynpaw da ki bor pulit, la ong ba kane ka kynhun ka ju don kti ban pyniaid beain ia ki Thuk thuk bat uh ha khappud Assam bad Meghalaya.
Kitei kiba la shah kem ki kynthup ia u Steve Syngkon (20) na ka shnong Iawthymme, u Nisanki Lamare (18) na ka shnong Saphai, u Heipor Synnah (23 ) na Saphai, Leader Suiam (24 na Shangpung Moosyiem, bad uei pat uba dang rit ka rta (Juvenile) ha kaba ia ka kyrteng bad ka jaka sah jong u la buhrieh noh.
Kumba la ioh lum jingtip, ia kitei ki runar ba la shah kem la rah noh sha Umrangso Police Station ban pynlong ia ka jingtohkit kaba bniah bad ka jingtohkit halor kine ki kam runar ka dang iaid shakhmat.
