Ka University of Science and Technology Meghalaya (USTM) lyngba ka tnad Training and Placement Division jong katei ka Skul bah hynnin ka sngi haka prokram Kaaryam 1.0 National Level HR Conclave ka la khot ïa ki nongïalam ba pawnam, ki riew shemphang ha ka tnad HR bad ki samla pule ia kaba la pynlong ha ka Central Auditorium jong katei ka skul bah.
Ia kane ka jingïalang kaba shi sngi la pynlong ban ia kren halor ka phang “Ka Jingïaid shaphrang ha ka Lawei: Ka Jingkiew ha kam Teknoloji bad Ka jingpynneh pynsah ïa la ka Kolshor,” hakba la ioh ban ia mir jingmut bha bad ruh ban ia sam lang ia ki jingtip jingnang hapdeng kitei ki riew shemphang kiba la wan ban ia shim bynta ha katei ka prokram.
Ia katei ka Prokram la wan ban shim bynta kum u kongsan da u Bidhan Baruah, Co-founder and COO jong ka TAAZAA INC ha kaba la ia donlang ruh da kiwei kiwei ki riewpaw khmat kiba kynthup ia u Kaushik Deka, Executive Editor, India Today Magazine & Editor, India Today NE, Prof GD Sharma, Vice Chancellor USTM, Dr RK Sharma, Advisor USTM lem bed kiwei kiwei.
Nalor ki jingkren naka liang ki Kongsan kiba la kren ha katei ka jingialang, kane ka program ka la sam ruh iaka jingnang jintip halor ka jinglong jingman bad ki jingkylla ha kaba ia dei bad ka Technical bad Non-Technical ha kaba la pyni ruh iaka jinglong kongsan ban pynkhreh lane ban pynmih iaki nongialam kiba stad lyngba kane ka jingiatreilang. Kane ka prokram ka la khring ïa palat 100 ngut ki riew shemphang ha ka liang ka HR.
