Ka Hynniewtrep Integrated Territorial Organisation (HITO) Ranikor Circle hynne ka sngi ka dawa naka Myntri ka tnat ka koit ka khiah ka Kong Ampareen Lyngdoh ban kyntiew ia ka Mawpud Sub-Centre sha ka Primary Health Centre (PHC).
Ka HITO Ranikor Circle, South West Khasi Hills District ka la pynpaw ia ka jingsngewkhia namar ka jingbym don ka jaka sumar kaba biang lane ka PHC ha katei ka thain ha kaba kane kala buh jingeh ia ki paidbah wat haduh ba bun ki briew ki la duh ia ka mynsiem namar ka jingbym ioh ia ka jingsumar kaba paka.
“Ngi kyrpad ia ka Mynti ka tnat ka koit ka khiah ka Sorkar Jylla ba kan sngewbha ban iarap ban kyntiew kynrdan noh kham kloi ia ka Mawpud Sub-Centre sha ka PHC” la ong u Bah Arthur Thongni Secretary ka HITO Ranikor Circle.
U Bah Arthur Thongni u la ong ba naduh u snem 2014 ki nong shong shnong ka shnong Mawpud lem bad kiwei ki shnong marjan ki la dawa ban kyntiew noh ia ka Mawpud Sub-Centre sha ka PHC.
U la ong ba ka jingbym kyntiew kyrdan iaka Mawpud Sub-Centre sha ka PHC kan wanrah shibun ki jingmyntoi namar kane ka Sub-Centre ka ai jingshakri ia palat 17 tylli ki shnong haba iadei bad ki lad jingsumar.
