Ka Mynken Christian Higher Secondary School na Meghalaya lem bad ka TG English School na ka jylla Manipur, kiba dei ki kynhun kiba la poi sha ka thup jong ka Phainal ha ka 63rd International Subroto Cup Football Tournament 2024, ki la shah khot sngewbha ban leit lehkai sha Paris, kata ban ialehkai paralok lem bad kiwei pat ki skul kiba dei na ri France.
Ia kitei ki skul la phah da ka Subroto Cup Society bad katei ka jingleit lehkai jong ki sha Paris, ka dei kaba la tip kum kata ka Indo-French Football Tournament, ha kaba kitei ki artylli ki skul na India bad kiba la poi sha ka thup ka phainal ha ka International Football Tournament kaba dang shu dep shen.
Lyngba katei ka jingiohlad ban leit sha France, kitei ki artylli ki skul na India, kin sa ioh ban iakhun pyrshah ia kiwei pat ki kynhun ialehkai kiba dei na ri France.
La ioh jingtip ba katei ka Indo-French Football Tournament, kan sa sdang ha ki 25 tarik shaneng jong u Bnai Naiwieng mynta u snem ha Nongbah Paris.
