Hadien ba ka wei ka khynnah skul jong ka Savio Higher Secondary school Baridua ka la wanrah iaka nam jop haka State Seminar ka ba dang shu long shen ha nongbah Shillong halor ka phang ka jingdonkam ia ka Artificial intelligence (AI) kat kum ka juk STAD mynta, kane ka khynnah kaba Kyrteng ka Sanjana R.Marak kan sa leit ban mih khmat pat sa iaka jylla Meghalaya sha ka Nongbah Mumbai haka 18 tarik bnai ban wan naka bynta ka National level kaba dei ka juh hi ka phang.
Kum ban pyntip paidbah, kane ka Samla Sanjana R. Marak ka shong Class-10 ha St. Savio Higher Secondary School, Baridua bad ka dei ka khun basan ong u Robertson CH Marak kaba dei na ka shnong Jorpul Kiling, Ribhoi District bad ka la ioh lad ruh ban leit mihkhmat ia ka jylla Meghalaya na katei ka skul ka dei hadien ba ka la pynliem ia ki 17 tylli kiwei pat ki skul ba la wan shim bynta ha kane ka kyrdan state level.
Halor kane ka jingioh leit mihkhmat kane ka samla sha Mumbai kaba dei halor ka jingdonkam ia ka Artificial Inteligence kaba la pyndonkam ha kane ka juk stad ba mynta, la ioh ruh ban ia kren bad kane ka samla Sanjana R.Marak ban ia kren shaphang ka AI, ha kaba ka la ong ba ngi ki ba pule ngi donkam ban tip shaphang ka AI lada phi nang ban pyndonkam ia ka, kan iarap bha haka pule puthi ha kum kane ka juk stad ba mynta.
Kane ka samla ka la pynpaw iaka jing sngewkmen hadien ba la la ioh iaka nam jop ha ka state level bad ka ai pynpaw ruh ka jingsngewnguh ia ka skul, ki nonghikai kiba la kyrshan bha ia ka bad khamtam ia u nonghikai u Bhagirath Mahanta, u ba la don ryngkat bad uba la ju ai jingmut naduh nyngkong ka sngi ba ka skul Savio Higher Secondary school Baridua ka la paw ha ka jylla wat la ka dei ka skulk aba don sha Nongkyngdong.
Ha kane ka sngi, na ka laing ki bor pyniaid skul hapoh ka jingialam ka Principal, ka Sister Molly Thomas mynta ka sngi ki la pynlong da ka jingpdiang burom iakane ka samla hapoh ka phyllaw jong ka skul ban pynpaw ia ka jingsarong ba kane ka samla ka la wanrah burom iaka skul bad ia ka shnong bad ha kajuh ka por ruh ki la ai ka jingkitbok kitrwiang ruh kum ba ka la wanrah iaka nam jop haka State Level bad ki khmih lynti ruh ba kan wan rah ia ka nam jop ha ka National Level ka ba long ka jingsarong ia ka skkul bad ia ka jylla hi baroh kawei.
