Kum shi bynta ban rakhe ia ka National Vountary Blood Donation Day ba la rakhe ha kylleng ka ri India, ka tnad Pulit na Ri Bhoi District ruh ki la rakhe ia kane ka sngi kyrpang da kaba ki la mih ban ai snam ha Blood Centre jong ka Civil Hosptial Nongpoh mynta ka sngi.
Ia kane ka jingleit ai snam la ialam hi da u Superintendent of Ri Bhoi Police, u Jagpal Singh Dhanoa bad la shim bynta lang ruh da ki pulit ophisar bad ki pulit Constable ban ai ai ka snam kaba kordor jong ki, na ka bynta ban pynlait im ia ki mynsiem ba kordor ha ka por kaba ki donkam snam kyrkieh.
Kumba la pynpaw da u Ophisar In-Charge ka Nongpoh Police Station u Michael Marak bad ruh u Traffic In-charge ka Nongpoh Police Station u Rubul Islam, ki la ong ba kane ka jingmih jongki shakhmat ban ai snam mynta ka sngi kaba long shi bynta ka jingrakhe ia ka National Blood day, ka dei ka jingialam jong u ophisar rangbah jong ki, u Jagpal Singh Dhanoa.
Ki la pynpaw ruh ba kane ka jingai snem sha kane ka Blood Centre kaba don ha Civil Hospital Nongpoh kam dei satia tang kata ka thong kaba ki rakhe ia ka National Blood Day, hynrei kaba kham kongsan ka long ban ai ia ka khubor sha kiwei ba kim dei ban tieng haba leit ai snam, namar ka jingmih kiba bun ban ai snam ngin lah ban pynim ia shibun ki mynsiem ba kordor lada ki donkam snam ha ka por ba kyrkieh kum ha a pang ka shitom.
Shuh shuh, ki la pypaw ruh ba ki Pulit ka Ri Bhoi ki dap da ka jingkmen ban ia don bynta ha kum kane ka sngi ban ai snam na ka bynta ban pynlait im ia bun ki mynsiem ba kordor bad ha kajuh ka por ki kyrpad ruh sha ki paidbah ba kim dei ban don kata ka mynsiem ban ai snam bad ki dei ban mih shakhmat na ka bynta ban ai snam knang ba kin lah ban pynim ia kito ki mynsiem kiba donkam snam ha kano kano ka por ha ka pang ka shitom ne ha ki jingmynsaw ba la donkam snam kyrkieh.
