Kawei ka trok kaba kit Dewiong ka Star Cement LTD. kaba don ia u number ML-11-A-1368, kaba mih na Assam ban pynpoi ia u Dewiong sha Meghalaya kata sha ka Karkhana pynmih dewbilat ha Ri Lum Jaintia, ka la kylla noh ha kawei ka pynthor kaba don ha shnong Iewmawlong, Nongpoh, Ri Bhoi.
Ka Tyllong khubor na ki Pulit, la ong ba ka jingjia ba kylla katei ka trok ka la jia ha ka 2:30 baje eiei mynstep, ha kaba la ong ba katei ka Trok kaba mih na Guwahati, haba ka la poi ha katei ka jaka, ka la rat nyngkong ia ki jingker ka surokbah NH-6 bad hadien kata pat ka leit syllad ia kawei ka trok shwa ban kan kylla sha pynthor.
Katei ka Trok kaba kaba la shah syllad ka dei kaba don ia u number ML-11-A-1380 bad kaba ieng harud ka surok Service Lane. Ha katei jingjia katei ka kali kaba la kylla ka la kham julor eh bad ka trok kaba la shah syllad ka kham duna ka jingjulor.
Ia ka trok kit Dewiong kaba la kylla sha pynthor, ka dei kaba la niah da u Mekersha Rymbai bad kaba la shah syllad ka dei kaba la niah da u Silas Basumatri.
Hadien katei ka jingjia, ia ki nongniah jong baroh artylli kitei ki trok la shu rah sha jaka sumar na bynta ban leh ia ka Medical Examination, namar ba ki khlem mynsaw eh ha katei ka jingjia
