U Myntri sorkar ba dei peit ia ka kam jngohkai pyrthei ha ka jylla, u Bah Paul Lyngdoh haba leit ban sakhi ia ka jingiakop niah kali ha ki khlaw ba la pynlong da ka Adventures Hynniewtrep Off Roaders ha Kharsati Nature Park, u la kular ba ka sorkar kan ai ka jingkyrshan ia kane ka kynhun bad ruh ban pynrung noh hapoh ka Calender ka tnat Tourism jong ka jylla Meghalaya.
Ia kitei ka jingkular la pynsngew da u myntri ka tnad Tourism u Bah Paul Lyngdoh haba kren ha ka jingialang mynta ka sngi ha katei ka lympung iakop niah kali bad la sakhi lang ruh da ka jingdon lang u President ka kynhun AHOR u Bah Damian Umdor, u B Bah Fedinand Jahrin Secretary, u bah Ferdinald Kharkamni Vice Preisdent lem bad kiwei kiwei ki dkhot jong ka AHOR.
Kitei ki kyntien kular u myntri sorkar ka la nang ai mynsiem shuh shuh iaki Nongialam jong ka kynhun AHOR ha kaba kin nang lah ban bteng ban ban nang pynbha shuh shuh ia kane ka lympung ha ki sngi bad ki snem ki ban sa wan.
Kane ka lympung iakop niah kali Off Roads ka dei kaba la sdang ha ka 10 tarik, Risaw bad kaba yn sa pynkut pat lashai ka sngi ka 12 tarik Risaw, kadei kawei naki lympung kaba la pynkhring bha iaki paidbah nongpeit kai bad kumjuh ruh iaki paidbah kiba don jingieid iaka kam niah kali ha kaba na kylleng jong ka ri bad ka jylla ki la wan ban ia shim bynta ha kane ka lympung kaba 6 kaba la pynlong mynta u snem ha ka Kharsati Nature Park, Umtham, Ribhoi District.
Kumba la sakhi ha kane ka sngi kaba ar ba la pynlong ia kane ka lympung, ka la long shisha kaba shongshit bad kaba khring ia bun ki paidbah nongpeitkai, kaba dei da ka jingdon ki nongniah Kali na kylleng ki jylla bad ka ri. Ha kajuh ka por, kitei ki nongniah kali ki la lah ruh ban pyni iaka sap jong ki ban thom naphang ia ki lynti iaid bad ha kane ka sngi la ioh ban pynialehkai ia baroh ki Nongniah kiba la ia shim bynta haki 3 tylli ki kyrdan kata haka Stock Category, Modified Category bad haka Pro Modified Category ban sa pynialehkai haki surok ba khohruh khohram da ki bor pyniaid jong kane ka lympung.
Shuh shuh, la pynti ruh ba kito ki nongjop ha kane ka lympung ia niah kali ha khlaw ba latip kum ka Off road, ki bor pyniaid kin sa ai khusnam ruh da ka song pisa ha ryngkat kiwei kiwei ki khusnam ban sa pynkut noh lashai ka sngi kata ka 12 tarik u Risaw 2024 ha Kharsati Nature Park, kaba don ha Ri Bhoi.
