Ki paid Hindua hapoh ka thain Nongpoh mynta ka sngi ki la pynkut noh ia ka lehniam Durga Puja da kaba kaba ki la iet ban bret ia ka Blei ha ka wah Umtrew ha Byrnihat.
Kumba la sakhi, da ki hajar ngut ki paid Hindu ki la shim bynta ha kaba pynkut noh ia la nehniam Durga Puja ban leit bret ia ki Blei kaba dei katkum ka jingngeit jongki, ban pan ka jingkyrkhu kyrdoh na u blei na ka bynta ka bha ka mait bad ka shongsuk ka shongsain kiba dei lyngba ka jingkyrkhu u blei Durga Puja jongki.
La sakhi ruh ba ki paidbah Hindu ki la shim bynta ha kane ka lehniam ban leit bre blei ryngkat ki rong ki rup, ki ka rwai ka siang bad ka put ka tem ban pysngewbha ia ka blei jongki, kaba ki ngeit ban ioh ia kata ka jingkyrkhu kuyrduh lyngba kane ka lehniam Durnga Puja.
Na ka liang ki nongialam ka Puja Committee ba kynthup na ka Ram Madir Committee bad ka Maa Kali Mandir Committee ha Nongpoh, ki la ai khublei kyrpang ia baroh ki paidbah Hindu bad kumjuh ruh ki bor shnong bad ki bor district kiba la kyrshan lang bad khamtam ba ki lah ban pyndep ia kane ka lehniam puja da kaba suk basain bad ruh baki la lah ban pyndep ia kata ka jingleh niam ban leit bret ia kita ki blei kaba long katkum ka niam ka rukom jongki.
Haba ai jingkren sha ki lad pathai khubor, u Secretary ka Ram Mandir Committee u Muneshwar Singh u la ong ba ki paid Hindu ki la sngewkmne ba ki la lah ban pyndep ia kane ka lehnim Durga Puja khlem kano kano ka jingthud kaba dei da ka jingiasnoh kti lang na ki liang baroh bad kum ki paid Hindu ki pyndep ia kane ka lehniam ka long ban beh ia kiei kiei kiba sniew bad ban pan ka jingkyrkhu na ki blei ba kin ai kata ka jingkyrkhu ban bha ban miat bad ban roi ban par bad khamtam ban don kashongsuk shongsain ha ka imlang ka sahlang wat la ngi don bun ki jaid bynriew bapher bapher ha kane ka District bad ka jylla hi baroh kawei.
