Ki shipai Border Security Force (BSF) ka jylla Meghalaya hynnin ka sngi, ki la ioh ban kurup haduh T. 1 klur tam ki tiar ki tar kiba iadei bad ka sumar sukher lane kita ki ‘medical accessories’ kiba la tip kum ki ‘IV Cannula Set’ na ki khappud jong ka thain Dona ka East Jaintia Hills, kiba la thmu ban shalan beain sha ka ri Bangladesh
Katkum ka tyllong khubor ba la ioh lum, la iathuh ba ki shipai BSF na ka 172 Battalion hadien ka jingioh jingtip halor kitei ki kam shalan beain, ki la pynlong ia ka jingleit khynra bad ioh ban kurup ia kitei ki ‘IV Cannula Set’. Hadien ka jingioh kurup, kine ki tiar la aiti noh sha ka tnad Custom kaba don ha Badarpur na ka bynta ban leh pat iaki jingdonkam katkum ki kyndon ain.
Ha kawei de ka bynta, ki shipai jong ka 4th Battalion ka BSF hynnin ka sngi, ki la leit ban khynra ha ki thain khappud jong ka West Jaintia Hills bad East Khasi Hills bad ioh ban pynlait im ia kumba 27 tylli ki Masi kiba la thmu ban shalan sha ka ri Bangladesh lyngba ki khappud ka jylla Meghalaya.
