Hadien ka jingkhlad noh I Heprit Delaju H. Khongwar ka Nongrwai Gospel ka kynhun Syrngulieh ha ka 22 tarik u Risaw 2024 hadien ba la ban jur ka jingshitom haduh kumba 2 taïew ei ei bad mynta ka sngi hapdeng ki ummat la tep don burom noh I ha u lum jingtep ba la tep ia I mei-ieid bad I paieid jong I ha ka shnong Ryngud ba hap ha ka thain Sohra.
Kum ban pynkynmaw, I heprit Delaju H. Khongwar I dei I nongrwai Gospel jong ka kynhun Syrngulieh bad kiba shi shipara kynthup ïa ka Mynriede, Delaju, Madamande, Dememon kiba dei kiba la sdang ban rwai haduh kine ki sngi bad u lyoh ba dup u la wan kah ka dei hadien ba I heprit Delaju Khongwar I la khlad noh kaba long ka jingduhnong kaba khraw ym tang ia kane ka kynhun bad wat ia ka ing ka sem hi baroh kawei.
Kum ka jingburom ia kane ka jingkhlad noh I heprit Delaju H. Khongwar, mynta ka sngi ki la pyndep noh ia ka met ba dangsah jong I, ha ka shnong Ryngud ha kaba I Pastor S. Syiemiong I la shim ia ka bynta ban pyniaid ia ka lehniam leit on tep bad la ai jingkren ruh da I Pastor B. Marngar, iba la pharia lyngba ka ktien ka jong U Blei ryngkat ki kyntien pyngtngen ia ki kmie ki kpa bad ia ka ka ing ka sem kiba la duh noh ia kane ka heprit.
Kaba la pynlung mynsiem bha ha kane ka sngi on tep, ka dei ka jingpynrwai ka jingrwai ba la rwai da kane ka heprit lyngba katei ka kynhun ba la tip Syrnguhlieh kaba ki la ju rwai ia ka jingrwai Gospel, ba bun ki la jaw ummat bad kaba la pynum mynsiem lut ia baroh kiba la sakhi ia kane ka jingleh burom khatduh ia Heprit Delaju H. Khongwar.
