Shillong, Naiwieng 18: U Mynti rangbah ka jylla u Conrad K. Sangma mynta ka sngi u la leit ban plie paidbah ia kawei na ka tamasa ba la tip kum ‘ka 4th Edition of the Shillong Literary Festival’ ba la pynlong ha Nanpolok, Shillong.
La pynphuh pynphieng ruh ia kane ka jingplie ia kane ka tamasa da ka jindon lang ki nongthoh kot ba paw ba kynthup ia ka Jackie Collins, Shobhaa De, Vikram Seth u nongthoh Novel bad Poitri ba paw bad uba la ioh pdiania ka Padma Shri bad kiwei kiwei ki khusnam kum u nongthoh kot ba paw.
Haba kren ha kane ka sngi, u Myntri rangbah ka jylla u Conrad K. Sangma u la ong baa k jingthmu ba la pynlont ia kane ka Literary Festival ka dei ka thong ban wan rah ia ki nongthoh kot bapher bapher bad ruh ban ai rynsan ia ki ha kum kane ka tamasa halor ka jingdon sap kyrpang jongki ha ki kam thoh kot bapher bapher.
U la ong ruh ba kane ka tamasa kan iarap kyrpang ruh ia ki samla trai jylla kiba don ka jingsngewtynnad ha ki kam thoh kam tar ban pynmih ia ki kot bapher bapher bad ruh lyngba ka jingdon kum kane ka tamasa kin ioh lad ruh ban sei ia kita ki sap ki phong ba ki don ha ka jylla bad sha ka pyrthei hi baroh kawei.
Shuh shuh, u la batai ruh ba kane ka tams aba la pynlong ha ka jyllla ka long ruh kum ka lad ban don kita kiba don ka jingkitkhlieh ha kaba kyntiew lyngba ki sap bapher bapher bad ruh ban kyntiew ia ki kam jngohkai pyrthei. U la pynkut ruh da kaba ong ba ka sorkar ka la mang 4000 klur ban kyntiew ia ki kam jngohkai pyrthei kiba kynthup naduh ka jingshan ia ki Hotel, Home-stay bad kiwei kiwei ki jingdonkam kiba kyntiew ia kane ka kam jngohkai pyrthei.
